Kulturleia utviklingsstrategiar i rurale lokalsamfunn : Ein studie av kultur som relevant politisk verkemiddel i arbeid med å auka tilflytting til rurale lokalsamfunn – eit casestudie

Abstract

Oppgåva handlar om Kultur som politisk verkemiddel i arbeid med å auka tilflytting til rurale lokalsamfunn. Tema vert grunngjeve med stort politisk fokus både i europeisk, nasjonal og regional samanheng på Kultur som verkemiddel for å skapa økonomisk vekst og konkuransefortrinn i byar og regionar. I denne oppgåva ser eg på dette i eit lokalt perspektiv og undersøkjer om dette er relevant i rurale lokalsamfunn. Hovudproblemstillinga har vert å undersøkja Korleis kultur kan vere eit relevant politisk verkemiddel for å auka tilflyttinga til rurale lokalsamfunn, i dette tilfelle Rosendal? I oppgåva nyttar eg kvalitative metodar og opne individuelle intervju med tilflyttarar og lokale utviklingsaktørar. Undersøkinga gjer svar på korleis kulturomgrepet og kulturleia utviklingsstrategiar vert nytta i Rosendal, korleis potensialet i slike strategiar vart vurdert og korleis utløysande og potensielle flyttefaktorar for tilflyttarar til Rosendal kan knytast til kulturomgrepet. Kvart av forskingsspørsmåla i problemstillinga vert drøfta ut frå empiriske funn og det teoretiske rammeverket. Det visar seg at dei kulturleia utviklingsstrategiane kan ha ein viss relevans i rurale lokalsamfunn men at den tradisjonelle kulturpolitikken som tek utgangspunkt i det utvida kulturomgrepet utvikla på 70-talet er like viktig, om ikkje viktigare, å ha fokus på i arbeidet med tilflytting. Det teoretiske rammeverket i denne oppgåva byggjer på tre innfallsvinklar. Som innleiing vert kulturomgrepet belyst. Vidare vert det greia ut om ulike kulturleia utviklingsstrategiar før eg ser på kva flytteforskinga seier om motiv for å flytta til distrikta. Til slutt ser eg på relasjonen mellom kulturleia utviklingstrategiar og flytting til rurale lokalsamfunn.